~@@~ بعدج صغيره ~@~

~@@~ بعدج صغيره ~@~
مراحب ..........

بعدج صغيـره وابتديتـي تحبيـن=من علّمك ليل السهر ياصغيـره ؟
بدري عليك العشق يابنت هاللحين=حرام هذا القلب وشهو مصيـره ؟
انتي بريئه في الهوا ليه تشقيـن ؟=دروبه طـوال ٍ عليـك وعسيـره
رحتي بدرب ٍ ماله اصلا ً عناوين=وانتي مشاويرك من اول قصيـره
ياطفلة ٍ حبّت وراحت على وين ؟=عقب الهنا ذقتي الحيـاه المريـره
وينك ووين الحب والشوق والبين ؟=عنّيتي عيونك وصرتـي سهيـره
امحق تسلّـي كـان ودّك تسلّيـن=الورد لولا اللّون وشهو عبيـره ؟
خلّيتي دروسك وصرتي تحاتيـن=الدرس في ديره وصرتي بديـره
وصرتي بعد من غير هذا تغارين=والمشكله يابنـت منتـي خبيـره
نصيحتي لك كـان ودّك ترديـن=يـم السعـاده والحيـاه المثيـره
خلّـك بجـو العايلـه لا تعدّيـن=ماما وبابـا والعجـوز الظريـره
شيبانك اللّـي مايبونـك تعانيـن=من بينهم عشتـي كأنّـك أميـره
الحب قبلك هـز نـاس ٍ كثيريـن=وخلاّ القلوب تعيش هـم ٍ وحيـره
الحب يفضح لا انكشف داخل العين=وانتي بنفّسك ماهقيتـك بصيـره
طيعي كلامي واحذري لا تماديـن=تراجعي لاعل في الأمـر خيـره
عيشي الطفوله والبراءه لك سنيـن=وبعدين حبّـي لا غديتـي كبيـره

تحياتي لكم

عاشت ايدك والله يا ليوثي الورده
على النصائح بشكل قصيده
والى مزيد من التألق والابداع
ان شاء الله