~@~@~@# جم ابوذية ~@~@~@#

~@~@~@# جم ابوذية ~@~@~@#
منو الجابك الشوفي وعنك
معقولة الهوى هــــــــزك وعنك
ترى الناس الحجو عنـــــي وعنك
تغار تريد مانكعـــــــــــــــــــــد سوية




شفت سمرة وسيعة عيـــــــــن يمنة
تدير العين يسرة انـــــــــوب يمنة
واتمنى منها تجي كل يــوم يمنة
وكلها الصار والما صـــار بية



شفت بيضه وسيعة عين يسرا
تدير العين يمنه ونوب يسرا
الهوى تغلغل بنص الكلب يسرا
مشت والنار بكليبي سريه



احلفت مبجي علــــى افراكـــك ولا نوح
وبعــــد ماردد بأسمـــــــــــك ولانوح
يوسف ما ابتلــــى مثلــي ولانوح
ولايعقوب مـــر مثلــــــي بأذيه





احبه وما احـــب واحـــد بدالة
وياذنب البـــدة منــي وبدالة
الك منصـوب بكليبي بدالة
خطك على النبض شغال بية



يا نار الهجر صدك مايع اني
ونشف من كثر دمعي ماي عيني
تريد تشوف وكلبي ما يعاني
مد ايدك جهنم تلكه بيه


صرخ صوتي اعله صوته وماصحالي
واظن بس وياي وكتي ماصحالي
رضيت الموت من عكبك ماصحالي
وكمت جدوة اجديها المنية


بس احنه الكتاب نشوف...نصحه
وترجيته النصح ...ما يفيد...نصحه
سكارى احنه..وما نحب ...فد يوم نصحه
وشيفيد النصح..للبقلبه اذيه!!!

عاشت الايادي يا ليوثي الورده
على هالابوذيات الروعه
كلك ذوق والله
ودمت لنا يا مبدع